Verkefnastjórnunarfélag Íslands (VSF) var stofnað 23. maí 1984 í því augnamiði að leiða þróun og eflingu verkefnastjórnunar á Íslandi. Félagið er öllum opið.
Tilgangur félagsins er að auka velsæld og árangur verkefna
Þessu náum við fram með að:
- styrkja fagfólk í verkefnastjórnun með menntun, vottun, stöðlun, notkun viðurkenndra alþjóðlegra aðferða og úrræðum til að efla starfsferil sinn.
- hlúa að samfélagi verkefnastjóra sem skuldbinda sig til siðferðislegra starfshátta, stöðugs náms og framúskarandi forystu við framkvæmd verkefna.
- efla starfshætti, vísindi og starfsgrein verkefnastjórnunar um allan heim með samstarfi við menntastofnanir, alþjóðafélög og fyrirtæki.
