Við hjá VSF leggjum mikla áherslu á gott samstarf við fyrirtæki, stofnanir, félög og einstaklinga sem vilja taka þátt í að efla verkefnastjórnun á Íslandi.

Með aðild að VSF færðu:

✨ Aðild að International Project Management Association (IPMA)
✨ Aðgang að MyIPMA – efni, rannsóknir og Best Practice á heimsvísu
✨ Aðgang að faghópum og vinnustofum VSF
✨ Afslátt af IPMA vottunum
✨ Afslátt af Haustráðstefnu og öðrum viðburðum VSF
✨ Tækifæri til að byggja upp tengslanetið og þróa þína faglegu hæfni.

Af hverju IPMA vottun?

Verkefnastjórnun skiptir sífellt meira máli – í fyrirtækjum, opinberum rekstri og samfélaginu öllu.

Verkefnastjórnunarfélag Íslands (VSF) er hluti af alþjóðlegu neti IPMA og hefur, ásamt samstarfsaðilum víðs vegar um heiminn, unnið markvisst að því að þróa bestu aðferðir í verkefnastjórnun og tryggja fagleg viðmið á heimsmælikvarða.

IPMA vottanir byggja á þessum alþjóðlegu viðmiðum og staðfesta hæfni einstaklinga til að leiða verkefni, verkefnastofna og verkefnaskrár með fagmennsku og árangur að leiðarljósi.

VSF hefur tekið virkan þátt í þessari þróun frá upphafi og tengir íslenskt fagfólk við alþjóðlegt þekkingarsamfélag í verkefnastjórnun.

Alþjóðavottanir í verkefnastjórnun

Hefurðu áhuga á IPMA vottun?

Við bjóðum reglulega upp á opna rafræna kynningarfundi um alþjóðlegar vottanir í verkefnastjórnun.

Næsti fundur er í hádeginu þann 11.ágúst.

Hér má finna glærukynningu frá síðasta vottanafundi

Hlekkur í skráningu hér að neðan 👇

Dagar

Klukkustundir

Mínútur

Sekúndur

Kynningarfundi lokið!

Skrá mig!

Meiri upplýsingar

Fyrsta IPMA A-vottun Íslands á sviði þjálfunar og kennslu í verkefnastjórnun

Eftir Agnes Hólm Gunnarsdóttir • 25. maí 2026

Fyrsta IPMA A-vottun Íslands á sviði þjálfunar og kennslu í verkefnastjórnun Helgi Þór Ingason, prófessor við Háskólann í Reykjavík og formaður stjórnar MPM meistaranámsins í verkefnastjórnun, hefur hlotið IPMA Level A – Certified Executive Trainer (CET) viðurkenningu frá IPMA (International Project Management Association), móðurfélagi Verkefnastjórnunarfélags Íslands (VSF). Um er að ræða hæstu alþjóðlegu vottun IPMA á sviði kennslu, þjálfunar og hæfniuppbyggingar í verkefnastjórnun og er Helgi fyrsti Íslendingurinn til að hljóta þessa viðurkenningu. Áður hefur Aðalbjörn Þórólfsson, formaður VSF og ráðgjafi hjá Projectus, hlotið IPMA B – Certified Consultant, Coach and Trainer (CCT) vottun. Vottunin staðfestir framúrskarandi hæfni í þróun námsleiða, stjórnendaþjálfun og alþjóðlegri hæfnibyggingu. Matsferlið er umfangsmikið og felur meðal annars í sér ítarlegt sjálfsmat, hæfnimat, reynsluskýrslur og viðtöl við alþjóðlega úttektarmenn. Við hjá VSF fögnum þessum mikilvæga áfanga fyrir fagið hérlendis. Á sama tíma er unnið að því að bjóða upp á IPMA CCT/CET vottanir á Íslandi á næstu misserum fyrir kennara, leiðbeinendur, þjálfara og ráðgjafa á sviði verkefnastjórnunar og tengdra greina.